Beynəlxalq Futbol Federasiyaları Assosiasiyasının (FIFA) versiyasına görə, Canluici Donnarumma ilin ən yaxşı qapıçısı seçilib.

Tvit.az xəbər verir ki, bu barədə FIFA rəsmi məlumat yayıb.

İtaliyalı qapıçı ötən mövsüm PSJ-nin heyətində UEFA Çempionlar Liqasının (ÇL), Fransa çempionatının və Fransa Kubokunun qalibi olub.

Məşhur qolkiper ÇL-də 17 oyundan 15-də start heyətində meydana çıxıb və altı görüşdə qapısını toxunulmaz saxlayıb. Donnarumma ÇL-in simvolik komandasına da daxil edilib. Qapıçı, həmçinin Fransa çempionatında 24 oyun keçirib və turnirin ən yaxşı qapıçısı seçilib.

Qeyd edək ki, italiyalı qapıçı sentyabrda PSJ-dən "Mançester Siti"yə transfer olunub.