İran Prezidenti Məsud Pezeşkyan ABŞ-ın ölkədəki daxili siyasi vəziyyətin inkişafı ilə bağlı proqnozlarının yanlış olduğunu bildirib.

Tvit.az xarici mediaya istinadən xəbər verir ki, Pezeşkyanın sözlərinə görə, ABŞ İranla bağlı qiymətləndirmələrində süni intellekt məlumatlarına, eləcə də digər qərəzli və kəşfiyyat xarakterli informasiyalara əsaslanıb.

“Düşmən ölkəmizdə aclıq, talan, sosial çöküş, qeyri-sabitlik və zülm yarada biləcəyini düşünürdü. Lakin onların süni intellekt məlumatlarına, casus şəbəkələrindən və agentlərdən əldə edilən informasiyalara əsaslanan hesablamaları bir-birinin ardınca uğursuz oldu”, – deyə Pezeşkyan bildirib.

Qeyd edək ki, martın 5-də “The New York Times” qəzeti ABŞ və İsrailin İrana qarşı hərbi əməliyyata başlamasından əvvəl ABŞ kəşfiyyatının İrandakı vəziyyəti destabilizə etmək məqsədilə gizli şəkildə İran kürd qüvvələrini silahlandırmağa başladığını yazıb.

Aysel Şirinova