OpenAI korporativ müştərilər üçün yeni “Zəmanətli Tutum” xidmətini təqdim edib.

Tvit.az xəbər verir ki, yeni xidmət şirkətlərə süni intellekt modellərinə və hesablama infrastrukturuna uzunmüddətli və stabil çıxış imkanı yaradacaq.

Şirkətin açıqlamasına görə, istifadəçilər 1, 2 və ya 3 illik öhdəlik paketləri arasında seçim edə biləcəklər. Uzunmüddətli müqavilələr üçün xüsusi endirimlərin tətbiq olunacağı da bildirilib.

Yeni xidmət xüsusilə yüksək hesablama gücünə ehtiyac duyan şirkətlər üçün nəzərdə tutulub. Bu yanaşma bizneslərin OpenAI məhsullarından daha stabil və fasiləsiz istifadə etməsinə imkan verəcək.

Sam Altman bildirib ki, müştərilər hesablama gücü ilə bağlı daha çox sabitlik və əminlik gözləyirlər. Onun sözlərinə görə, süni intellekt modellərinin sürətli inkişafı fonunda müəyyən dövrlərdə resurs çatışmazlığı yarana bilər.

Altman qeyd edib ki, “Zəmanətli Tutum” xidməti həm müştərilər, həm də şirkət üçün daha effektiv planlama və resurs idarəetməsi baxımından faydalı olacaq.

Aysel Şirinova