Jaguar Land Rover arxa görüntü kamerasındakı problem səbəbindən ABŞ-da 93 997 Range Rover avtomobilini geri çağırıb.

Tvit.az xarici mediaya istinadən xəbər verir ki, xəbər verir ki, problem baqaj qapağının ətrafında suyun toplanması nəticəsində yaranır. Nəmlik kameranın görüntüsünün sensor ekranda təhrif olunmasına və ya tamamilə yox olmasına səbəb olur. Bu isə geriyə hərəkət zamanı kor zonaların yaranması riskini artırır.

Geri çağırış 2022–2026-cı model illərinə aid, 8 iyul 2021-ci il – 4 iyun 2024-cü il tarixlərində istehsal edilmiş avtomobilləri əhatə edir. Şirkət 2022-ci ilin avqustundan bəri problemlə bağlı 2 295 şikayət və sahə hesabatı qeydə alıb.

Problemin aradan qaldırılması üçün servis mərkəzləri arxa qapı örtüyündə əlavə drenaj dəlikləri açacaq, kameraları yoxlayacaq və su sızması nəticəsində zədələnmiş hissələri avtomobil sahibləri üçün ödənişsiz dəyişdirəcəklər.

Aysel Şirinova