"Lamborghini"nin V12 mühərrikli hibrid superkarı olan "Revuelto" təkcə performansına görə deyil, həm də texniki problemlərinə görə xəbərlərdə yer almağa davam edir. Brendin yeni flaqman modeli satışa çıxarıldığı gündən bəri dördüncü dəfə geri çağırılıb. 

Tvit.az xarici mediaya istinadən xəbər verir ki, "Revuelto"nun son geri çağırılmasının səbəbi, avtomobil söndürüldükdə və qısa müddət sonra geri çəkildikdə arxa görüntü kamerasının görüntüsünün ekranda görünməməsidir. Bu, təhlükəsizlik standartlarına uyğun deyil, çünki xüsusilə manevrlər zamanı sürücünün görünürlüyünü məhdudlaşdıra bilər. "Lamborghini" bildirir ki, xəta sırf proqram təminatı ilə bağlıdır və aparat təminatı riski yaratmır.

Geri çağırış hazırda ABŞ-da yalnız 7 nəqliyyat vasitəsinə təsir göstərir. Bunlardan beşi 2025-ci il model "Revuelto" ikisi isə 2024-cü il modeldir. "Lamborghini" şirkəti problemi daxili sınaq zamanı aşkarladığını və həllin olduqca sadə olduğunu bildirir. Səlahiyyətli servis mərkəzlərində pulsuz proqram təminatı yeniləməsi problemi tamamilə həll edəcək. Nəqliyyat vasitəsi sahiblərinə rəsmi kanallar vasitəsilə də məlumat veriləcək.

Aysel Şirinova