Ermənistan Təhlükəsizlik Şurasının katibi Alen Simonyan sentyabrın 1-də Bişkekdə Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyevlə görüşündən sonra Bakıya səfər edəcəyini istisna etməyib.

Tvit.az Ermənistan mediasına istinadən xəbər verir ki, bu barədə Simonyan jurnalistlərə açıqlamasında bildirib.

O qeyd edib ki, Hacıyevlə görüşün əsas mövzusu Azərbaycan və Ermənistan arasında sülh prosesinin dərinləşdirilməsi ilə bağlı olub.

"Mən məmnunluqla deyə bilərəm ki, Azərbaycan tərəfi sülhün bərqərar olmasına yönəlmiş bütün addımları atır və bundan sonra da atacaq", - o bildirib.

Simonyanın sözlərinə görə, tərəflər həll olunmamış məsələlərin tənzimlənməsi üçün yeni mexanizmlər tətbiq etmək barədə razılığa gəliblər.

Bakıya mümkün səfəri ilə bağlı sualı cavablandırarkən Ermənistan Təhlükəsizlik Şurasının katibi deyib: "Mən belə bir səfər edəcəyimi istisna etmirəm, lakin konkret tarix deyə bilmərəm".

Simonyan həmçinin bildirib ki, belə bir görüşün Ermənistan Təhlükəsizlik Şurasının katibi vəzifəsini hələ Armen Qriqoryanın icra etdiyi dövrdə keçirilməsi planlaşdırılırdı.