NATO-nun Ali Müttəfiq Komandanı, ABŞ generalı Aleksus Qrinkeviç bu həftə müttəfiq ölkələrin müdafiə rəisləri ilə Hörmüz boğazında gəmilərin təhlükəsizliyinin təmin edilməsi üçün mümkün dəstəyi müzakirə edib.
Tvit.az xarici mediaya istinadən xəbər verir ki, rəsmilər bildiriblər ki, təşəbbüs NATO qüvvələrinin bölgəyə rəsmi yerləşdirilməsi demək deyil. Alyans ayrı-ayrı üzv ölkələrə səylərini əlaqələndirməkdə yardım edir və bununla da NATO-nun ABŞ-İsrail münaqişəsinə birbaşa cəlb olunmasının qarşısını almağa çalışır.
Böyük Britaniya və Fransa isə gərginlik azaldıqdan sonra ticarət gəmilərinin təhlükəsizliyini təmin etməyi planlaşdıran təxminən 12 ölkədən ibarət ayrıca qrupa rəhbərlik edir.
Hörmüz boğazı fevralda daşımaların dayandırılmasından əvvəl dünya üzrə ticarət olunan neftin təxminən beşdə birinin daşındığı strateji marşrut olub. Boğazın açıq saxlanılması ilə bağlı uzunmüddətli həll üçün isə İranın razılığı tələb oluna bilər.
Aysel Şirinova
