Finlandiya Rusiya idxalına rüsum tətbiq etmək niyyətindədir.

Bu barədə Finlandiyanın xarici işlər naziri Elina Valtonen bildirib.

Bəyanat Finlandiyanın mülki müdafiə sistemlərini tərifləyən və Rusiyanın "kölgə donanmasına" qarşı birgə səylərin davam etdirilməsinə çağıran Valtonen və Polşanın xarici işlər naziri Radoslaw Sikorski arasında görüşdən sonra verilib.

Bu ilin avqust ayının sonunda Finlandiya Mərkəzi Ticarət və Sənaye Palatasının (CCI) rəhbəri Juho Romakkaniemi, 2022-ci ildən sonra Rusiya ilə iqtisadi və siyasi əlaqələrin kəsilməsinin Finlandiya şirkətlərinə ən çox zərbə vurduğundan şikayət etdi. Onun sözlərinə görə, məhz bu ölkə Avropa İttifaqının bütün ölkələri arasında əsas qurbana çevrilib. O, iqtisadi münasibətlərin əvvəlki səviyyəyə qaytarılmasının hər iki dövlətin maraqlarına uyğun olduğuna əmindir və xatırladıb ki, sanksiyalar tətbiq edilməzdən əvvəl Finlandiya ixracatçıları böyük ölçüdə öz məhsullarının Rusiyada satışından asılı idilər.