Apple-ın yeni nəsil iPhone 17 və iPhone 17 Pro modelləri gözləniləndən artıq satılıb.
Tvit.az xarici mediaya istinadən xəbər verir ki, Morgan Stanley-nin açıqlamasına görə, satış göstəriciləri ilkin proqnozları üstələyib və bu da şirkətin gələcək iPhone dövrlərinə dair nikbin gözləntiləri artırıb.
Bankın analitikləri qeyd ediblər ki, satış performansındakı bu uğur investorların Apple-a olan etimadını gücləndirib. Güclü nəticələrdən sonra Morgan Stanley Apple-ın hədəf qiymətini 240 dollardan 298 dollara qaldırıb.
Mütəxəssislər bildirirlər ki, iPhone 17 seriyasına başlanğıcdan bu qədər yüksək marağın olması Apple üçün müsbət siqnaldır. Bu tendensiya, hələ təqdim olunmamış iPhone 18 modellərinə də marağın artmasına zəmin yaradır.
Apple maliyyə nəticələrini oktyabrın sonunda açıqlayacaq. Həmin hesabatla birlikdə iPhone 17 satışlarının şirkətin gəlirlərinə real təsiri daha aydın görünəcək.