NATO-nun baş katibi Mark Rütte Rusiyanın alyans ölkələrinə qarşı nüvə silahından istifadə etməyəcəyini bildirib.

Tvit.az xəbər verir ki bu barədə xarici KiV məlumat yayıb.

Rütte qeyd edib ki, Rusiya Prezidenti Vladimir Putin NATO-ya qalib gələ bilməyəcəyini anlayır. O, alyansın ərazisinin hər qarışını müdafiə etməyə hazır olduğunu və istənilən təhdidə cavab veriləcəyini vurğulayıb.

“Rusiya NATO-nu məğlub edə bilməz. Biz alyans ərazisinin hər qarışını müdafiə edəcəyik”, – Rütte deyib.

NATO baş katibi həmçinin Moskvanın alyans ölkələri arasında parçalanma yaratmağa və onların Ukraynaya dəstəyini zəiflətməyə çalışdığını bildirib.

Rüttenin açıqlaması Rusiyanın NATO-nun Kalininqrad vilayətini təcrid etməyə cəhd göstərməsi halında nüvə silahından istifadə edə biləcəyi barədə xəbərdarlığından sonra səslənib. Reuters-in məlumatına görə, Rusiya tərəfi NATO-ya göndərdiyi sənəddə belə bir ssenari zamanı nüvə silahından istifadə ehtimalını qeyd edib.

Rütte isə NATO ərazisinə Rusiyadan yaxın zamanda təhlükə olmadığını bildirib və alyansın müdafiə xarakterli olduğunu vurğulayıb.