Çinin XPeng şirkəti humanoid robotu IRON üçün avtomatlaşdırılmış istehsal xəttini istifadəyə verib. Şirkət bunun robotun nümayiş mərhələsindən real istehsala keçdiyini göstərdiyini bildirir.

Tvit.az xarici mediaya istinadən xəbər verir ki, Quançjoudakı müəssisədə əsas proseslərin 80%-dən çoxu avtomatlaşdırılıb. XPeng avtomobil istehsalındakı keyfiyyət standartlarını robotların istehsalına da tətbiq edəcək.

IRON 76 sərbəstlik dərəcəsinə, hər əlində isə 21 sərbəstlik dərəcəsinə malikdir. Robot üç Turing süni intellekt çipi ilə təchiz olunub və 2 250 TOPS hesablama gücünə sahibdir.

Şirkət bildirir ki, IRON insan tərəfindən uzaqdan idarə olunmadan müxtəlif tapşırıqları müstəqil yerinə yetirə bilir.

Aysel Şirinova