İtaliya Baş nazir Corcia Meloninin diplomatik müşaviri, milli təhlükəsizlik məsələləri üzrə müşavir Fabrizio Saccionu Ukrayna məsələsi ilə bağlı Rusiya ilə danışıqlara göndərməyi planlaşdırır.

Bu barədə İtaliya hökumətinin yerləşdiyi Kici sarayındakı mənbə məlumat verilib.

Mənbənin sözlərinə görə, danışıqlar Fransa, Almaniya, İtaliya, Polşa və Böyük Britaniyanın daxil olduğu E5 formatında, eləcə də Avropa Komissiyası və Avropa İttifaqı Şurasının nümayəndələrinin iştirakı ilə keçirilə bilər.

Bundan əvvəl Avropa İttifaqı Şurasının prezidenti Antonio Koşta Aİ sammitində Ukrayna ilə bağlı ekspert səviyyəli danışıqlarda iştirak edəcək nümayəndə heyətinin razılaşdırıldığını bildirmişdi. Onun sözlərinə görə, heyətə Aİ institutlarının və “könüllülər koalisiyası”na daxil olan ölkələrin nümayəndələri qatılacaq.

Rusiya Xarici İşlər Nazirliyinin rəsmi nümayəndəsi Mariya Zaxarova isə daha əvvəl Moskvanın ABŞ prezidentinin xüsusi nümayəndəsi Stiv Uitkoff və Cared Kuşnerlə görüşündə avropalıların Ukrayna üzrə danışıqlarda iştirakının müzakirə olunmadığını açıqlamışdı.