Sentyabrın sonundan bəri davam edən etiraz aksiyaları zamanı 1100-dən çox Fransa hüquq-mühafizə orqanı əməkdaşı xəsarət alıb. Daxili işlər naziri Loran Nunyes bunu mətbuat konfransında açıqlayıb.

Nazir bəzi zabitlərin xəstəxanaya yerləşdirilməsinə ehtiyac olduğunu qeyd edərək bildirib ki, "Mindən çox polis və jandarm yaralanıb, daha dəqiq desək, 1193 nəfər. Xoşbəxtlikdən, xəsarətlərin əksəriyyəti yüngül olub, lakin çox ciddi xəsarətlər də olub".

Əksər hallarda xəsarətlər aqressiv küçə etirazçılarının polis əməkdaşlarına daş, fişəng və hətta damlardan baca atması nəticəsində baş verib. Bununla bağlı nazir vurğulayıb ki, hakimiyyət orqanları vətəndaşların fikirlərini ifadə etmək hüququnu təmin etməyə çalışsa da, hər hansı bir iğtişaşın qarşısını qəti şəkildə almaq və cinayətkarları tapmaq üçün bütün mümkün vasitələrdən istifadə etmək niyyətindədir.