BMT-nin baş katibi Antonio Quterreşin sözçüsü bildirib ki, Livanın cənubunda bir UNIFIL sülhməramlısının ölümü və ikisinin yaralanması ilə nəticələnən hadisə ilə bağlı araşdırma aparılır.
Tvit.az xarici mediaya istinadən xəbər verir ki, sözcü Stefan Dujarrik verdiyi açıqlamada bildirib ki, martın 2-də Livanda hərbi əməliyyatlar şiddətləndikdən bəri yeddi UNIFIL sülhməramlısı öldürülüb.
Sülhməramlılara qarşı hücumlar dayandırılmalıdır. Bunlar beynəlxalq humanitar hüququn və Təhlükəsizlik Şurasının 1701 saylı qətnaməsinin ciddi şəkildə pozulmasıdır və müharibə cinayətlərinə bərabər ola bilər”, - deyə o bildirib və əlavə edib ki, Quterreş bütün tərəfləri BMT personalının təhlükəsizliyini təmin etməyə çağırır.
