Vaşinqton administrasiyası müəyyən şərtlərlə İranın nüvə enerjisindən istifadə edə biləcəyinə razılığa gəlməyə hazırdır.

Tvit.az xəbər verir ki, bunu ABŞ Dövlət katibi Marko Rubio bildirib.

"Əgər İran ölkədə nüvə enerjisinə sahib olmaq istəyirsə, bunu təmin edən mexanizmlər var. Dünyada nüvə enerjisindən istifadə edən, lakin uran zənginləşdirilməsi ilə məşğul olmayan ölkələr var. Və onlar mütləq 60%-ə qədər zənginləşdirmirlər. Onlar bunu qayanın dərinliyində və ya yeraltında etmirlər", - deyə o, bildirib.

Rubio bildirib ki, İranın problemi nüvə enerjisinə ehtiyacı olması deyil.

"İranın problemi ondadır ki, onun bütün hərəkətləri nüvə silahı inkişaf etdirmək istəyən ölkənin davranışına uyğundur," - deyə Dövlət katibi hesab edir.

Aysel Şirinova