Dünyanın ən populyar onlayn mesajlaşma platforması olan WhatsApp bir neçə həftə əvvəl veb versiyasına yeni bir əsas xüsusiyyətin əlavə edilməsi ilə xəbər manşetlərinə çıxdı.

Tvit.az Türkiyə mediasına istinadən xəbər verir ki, WhatsApp Veb kodunun təhlilinə görə, Meta tərtibatçıları WhatsApp Veb-ə səsli və video zəng imkanları əlavə etmək üzərində işləməyə başlamışdılar.

İndi bununla bağlı yeni bir inkişaf var. WhatsApp yeni funksiyanı tədricən tətbiq etməyə başlayıb. Bəzi WhatsApp Veb istifadəçiləri artıq kompüterlərindən səsli və video zənglər edə bilərlər.

WhatsApp Web-in video və səsli zəng funksiyası əvvəlcə fərdi zəngləri dəstəkləyəcək. Bu o deməkdir ki, istifadəçilər hələlik yalnız təkbətək söhbət edə biləcəklər. Lakin sistem tam tətbiq edildikdən sonra qruplar üçün də video və səsli zənglər aktivləşdiriləcək.

Aysel Şirinova