Fransa prokurorluğu Elon Maskın sahibi olduğu X platformasının Parisdə yerləşən ofisində axtarış aparıb.

Tvit.az xarici mediaya istinadən xəbər verir ki, araşdırma qanunsuz məzmunların yayılması, alqoritmlərin tətbiqi və süni intellekt aləti Grok-un yaratdığı nəticələrlə bağlıdır.

Məlumata görə, Maskın özü və platformanın sabiq baş icraçı direktoru da ifadə verməyə çağırıla bilər.

Mask tərəfindən satın alındıqdan sonra atdığı addımlarla tez-tez gündəmə gələn X (keçmiş Twitter) bu dəfə Fransada ciddi hüquqi proseslə üz-üzə qalıb. Prokurorluq Paris ofisində rəsmi yoxlama və sənəd araşdırması həyata keçirib.

İlk baxışda adi nəzarət tədbiri təsiri bağışlayan bu reyd əslində həssas mövzuları əhatə edir. Səlahiyyətli qurumlar platformanın məzmun moderasiyası qaydalarını, eləcə də alqoritm və süni intellektdən istifadəsini diqqətlə araşdırır.

Aysel Şirinova