Aİ üzv dövlətinin səfirləri 3 dekabrda Rusiyaya qarşı yeni sanksiyaları nəzərdən keçirəcəklər.

Tvit.az xəbər verir ki, bu barədə xarici KİV məlumat yayıb.

 "Ukraynanın ərazi bütövlüyünün, suverenliyinin və müstəqilliyinin pozulması və ya onlara təhlükə yaradılması ilə əlaqədar məhdudlaşdırıcı tədbirlərin tətbiq olunması barədə Aİ Şurasının qərarının hazırlanmasına dair fikir mübadiləsi aparılıb”, - deyə sənəddə bildirilib.

Bundan əvvəl Aİ-nin xarici işlər və təhlükəsizlik siyasəti üzrə ali nümayəndəsi Kaya Kallas rus neftini daşıyan tankerlərə qarşı əlavə sanksiyaların ilin sonunadək qəbul edilməsinə dair niyyətini bildirmişdi. Onun sözlərinə görə, bu sanksiyalar 2026-cı ildə müzakirəsinə başlanacaq 20-ci paketdən əvvəl qəbul ediləcək.