Niderland milli komandasının baş məşqçisi Ronald Kuman tutduğu vəzifədən istefa verdiyini açıqlayıb.
Tvit.az xəbər verir ki, 63 yaşlı mütəxəssis ayrılıq xəbərini şəxsi sosial şəbəkə hesabı vasitəsilə ictimaiyyətə çatdırıb.
O, milli komandadakı postunu tamamilə öz istəyi ilə tərk etdiyini xüsusi vurğulayıb.
Qeyd edək ki, Niderland yığması 2026-cı il dünya çempionatında çıxışını pley-off mərhələsində başa vurmaq məcburiyyətində qalıb. Ronald Kumanın rəhbərlik etdiyi kollektiv 1/16 final mərhələsində Mərakeş seçməsinə penaltilər seriyasında məğlub olaraq turnirdəki mübarizəsini dayandırıb.
