Çin Sərnişin Avtomobilləri Assosiasiyasının (CPCA) məlumatına görə, 2025-ci ildə Çin avtomobilləri dünya bazarının 35,6%-ni təşkil edib.

Tvit.az xarici mediaya istinadən xəbər verir ki, qlobal avtomobil satışlarının ümumi həcmi 96,47 milyon ədəd təşkil edib, Çin isə illik müqayisədə 9% artımla 34,35 milyon ədəd satıb.

Daha dəqiq desək, qlobal avtomobil satışları 2025-ci ildə 5% artıb. Müqayisə üçün, ABŞ 16,72 milyon ədəd (1% artım), Hindistan 5,58 milyon ədəd (7% artım), Yaponiya 4,56 milyon ədəd (3% artım) və Almaniya 3,16 milyon ədəd (1% artım) satıb. Digər tərəfdən, Rusiya bazarında əhəmiyyətli bir azalma müşahidə olunur və Meksikada artım yavaşlayır, Cənubi Amerikadakı bazarlar, məsələn, Argentina yaxşı nəticələr göstərir.

2025-ci ilin birinci yarısında Çinin qlobal avtomobil bazarındakı payı 15,65 milyon ədəd satılaraq 36% təşkil edib ki, bu da illik müqayisədə 11% artım deməkdir.

Aysel Şirinova