Gürcüstanın ABŞ-dakı səfiri Talyaşvili Tbilisidə ABŞ Dövlət Departamentinin nümayəndələri — siyasi planlaşdırma üzrə baş müşavir Askonas və xüsusi köməkçi Yok ilə görüşüb.
Tvit.az xəbər verir ki, bu barədə Gürcüstanın ABŞ-dakı səfirliyi məlumat yayıb. Gürcü tərəfi ABŞ-la münasibətlərin yenidən qurulmasına hazır olduğunu bir daha ifadə edib və strateji tərəfdaşlığın yenilənməsinin vacibliyini vurğulayıb.
Bununla yanaşı, ikitərəfli münasibətlər və regional məsələlər də müzakirə olunub. Gürcüstanın regional əlaqələndirici həlqə kimi rolu qeyd edilib və Orta Dəhlizin nəqliyyat potensialı nəzərdən keçirilib. Amerika tərəfi isə öz növbəsində Gürcüstanın suverenliyi və ərazi bütövlüyünə dəyişməz dəstəyini təsdiqləyib.
