19 yaşadək futzalçılardan arasında təşkil olunacaq Avropa çempionatının ilkin və əsas mərhələsinin püşkü atılıb. Azərbaycan millisi mübarizəyə ilkin mərhələdən başlayacaq. Komandamız "B" qrupunda Kosovo və San Marino yığmaları ilə üz-üzə gələcək. Bu qrupun oyunları 2025-ci ilin yanvar ayının 21-dən 26-dək San Marinoda təşkil olunacaq.

 Qeyd edək ki, ilkin mərhələdə yalnız qrup birinciləri əsas mərhələyə vəsiqə qazanacaqlar.  Komandamız əsas mərhələyə yüksələcəyi təqdirdə, 7-ci qrupda Xorvatiya, Bosniya və Herseqovina və Türkiyə komandaları ilə mübarizə aparacaq. Bu mərhələnin oyunları isə gələn ilin 25-30 mart tarixlərində baş tutacaq.