ABŞ prezidentinin xüsusi elçisi Stiv Uitkoff Qəzza ilə bağlı irəliləyiş vəd edib.

 Tvit.az xəbər verir ki, bu barədə Times of Israel məlumat yayıb.

“Ümid edirəm və hətta əminliklə deyə bilərəm ki, yaxın günlərdə Qəzza ilə bağlı müəyyən bir irəliləyiş elan edə biləcəyik,” – deyə o bildirib.

 Uitkoff həmçinin ABŞ prezidenti Donald Trampın müharibənin başa çatdırılmasına dair 21 bənddən ibarət planı olduğunu açıqlayıb.

Bundan əvvəl Rusiya Xarici İşlər Nazirliyi BMT Təhlükəsizlik Şurasının Qəzzadakı qan tökülməsini dayandıra bilməməsinin məyusluq doğurduğunu bəyan etmişdi.

Daha əvvəl isə İsrailin maliyyə naziri Betsalel Smotriç ABŞ-la Qəzza sektorunun bölünməsi barədə danışıqlar apardığını bildirib və anklavı daşınmaz əmlak sahəsində “qızıl damar” adlandırıb. O, Təl-Əviv və Vaşinqtonun torpağı faizlə necə böləcəklərinə qərar verməli olduqlarını qeyd edib