Polşanın yeni Prezidenti Karol Nawrocki orduda hərbi qulluqçuların sayını 300 minə qədər artırmağı planlayıb. 

Tvit.az xəbər verir ki, o, bunu respublikanın Silahlı Qüvvələrinin komandanlığının andiçmə mərasimindən sonra bildirib.

"Düzünü deyək: müttəfiqlər yalnız özünü müdafiə edə bilənləri himayə edirlər. Avropada ən güclü NATO ordusunun yaradılması üçün hər şeyi edəcəyəm", - o, deyib.

Hazırda Polşa ordusunda 216 min nəfər xidmət edir. Beləliklə, Navrotski hərbi qulluqçuların sayını demək olar ki, üçdə bir qədər artırmağı təklif etdi.