Çinin BYD şirkəti hər biri 9 200 avtomobil ekvivalenti vahidi (CEU) tutumuna malik 10 əlavə avtomobil daşıyıcısı sifariş edib.

Tvit.az xarici mediaya istinadən xəbər verir ki, yeni sifarişlə şirkətin bu tip gəmilərdən ibarət donanmasının 18-ə çatacağı və ümumi tutumun 130 mindən çox CEU olacağı bildirilir.

Gəmilər China Merchants Industry şirkətinin Jinling və Haimen gəmiqayırma zavodlarında inşa ediləcək. Çatdırılmaların 2027–2029-cu illərdə həyata keçirilməsi planlaşdırılır.

Qeyd olunur ki, müqavilənin dəyəri, həmçinin BYD və gəmiqayırma şirkətinin rəsmi açıqlaması barədə məlumat verilməyib.

Aysel Şirinova