Vaşinqton administrasiyası Cənubi Afrika Respublikasının (RSA) nümayəndələrini 2026-cı ildə ABŞ-ın Florida ştatında keçiriləcək İyirmi Qrup (G20) tədbirlərinə dəvət etməyi planlaşdırmır.

Tvit.az xəbər verir ki, bu barədə CNN məlumat yayıb.

Onun mənbəsinə görə, ABŞ administrasiyası əvəzində Polşanı yüksək səviyyədə iştirak etməyə dəvət etməyi planlaşdırır. 

Nəşrdə qeyd edildiyi kimi, Cənubi Afrikanın sammitdə iştirakına icazə verməmək Vaşinqtonun "misli görünməmiş addımı" olardı.

Cənubi Afrika Prezidentinin rəsmi nümayəndəsi Vincent Magwenya televiziya kanalının jurnalistlərinə bildirib ki, Amerika tərəfinin belə planları ilə bağlı "fərziyyələr eşidib". "Rəsmi açıqlama alana qədər bunu yalnız ehtimal kimi qəbul edəcəyik," o əlavə etdi.