Rusiyanın Ukrayna üzərində raket sayı baxımından üstünlüyü var, “raket riyaziyyatı” onun xeyrinə işləyir.

Tvit.az xəbər verir ki, bunu amerikalı “Politico” nəşrinin şərhçisi Ceremi Detmer bildirib.

Onun hesablamalarına görə, Ukraynanın cəmi səkkiz ədəd “Patriot” qurğusu qalıb, onlardan altısı hazırda fəaliyyət göstərir. O vurğulayıb ki, hər bir Rusiya hədəfini vurmaq üçün ən azı iki raket tələb olunur, lakin Kiyevin sərəncamında 200-dən az ələ keçirici raket qalıb.

Detmer qeyd edib ki, Rusiya isə öz imkanlarını artırmaqda davam edir. Xüsusilə, 2025-ci ildə 3000-ə qədər raketin, o cümlədən 750 ədəd “İskəndər” tipli raketin istehsalı planlaşdırılır.