BMT-nin baş katibi Türkiyədə Rusiya və Ukrayna arasında əsirlərin mübadiləsinə dair əldə olunan razılaşmanı alqışlayır.

Tvit.az xəbər verir ki, bu barədə Antonio Quterreşin ofisi məlumat yayıb.

Təşkilat İstanbulda aparılan danışıqların qeyd-şərtsiz atəşkəsə gətirib çıxaracağına da ümid edir:

“Ümid edirik ki, İstanbulda yekunlaşan danışıqlar BMT Nizamnaməsinə uyğun olaraq ədalətli, davamlı və hərtərəfli sülhə doğru ilk addım kimi tam, dərhal və qeyd-şərtsiz atəşkəsə gətirib çıxaracaq”.

Bundan əvvəl İstanbulda Ukrayna ilə danışıqlarda Rusiya nümayəndə heyətinin rəhbəri Vladimir Medinski bildirmişdi ki , Rusiya Federasiyası Ukraynadan münaqişə səbəbindən çətin vəziyyətdə qalan 339 uşağın adının siyahısını alıb.

Aysel Şirinova