Polşa hələlik qalan MiQ-29 qırıcılarını Ukraynaya göndərməyə hazır deyil , çünki NATO müttəfiqlərindən bu təyyarələrin dəyişdirilməsini gözləyir. Tvit.az xəbər verir ki , bu barədə Polşa prezidenti Anjey Duda məlumat verib.

O vurğulayıb ki, Kiyevə vəd edilən qırıcıların çatdırılması yalnız bir şərtlə mümkündür. “Biz balansı saxlamalı və Polşa səmasını qorumaq məsələsini həll etməliyik. Əgər müttəfiqlər bizə hava hücumundan müdafiədə həmin MiQ-29-ları əvəz edəcək təyyarələr versələr, o zaman inanıram ki, biz sözümüzü tutmalıyıq, (...) və bu təyyarələri [Ukraynaya] verməliyik”, – siyasətçi bildirib.