Məlumata əsasən, Murat Lütem 1993-cü ildə Ankarada Orta Doğu Texniki Universitetini bitirib. Bundan sonra əmək fəaliyyətinə Türkiyə Xarici İşlər Nazirliyində başlayıb, müxtəlif vəzifələrdə çalışıb. O, həmçinin Türkiyə prezidenti Abdullah Gülün müşaviri (2007-2014) vəzifəsində çalışıb və Harvard Universitetində tədqiqatlar aparıb.

Lütem Türkiyənin Bostondakı baş konsulu təyin edilib, sonra isə Xarici İşlər Nazirliyi rəhbərinin müşaviri olub. 2016-cı ildə Türkiyənin Sinqapurdakı səfiri təyin edilib. O, daha sonra Şimali Amerika ilə ikitərəfli münasibətlərin idarə edilməsinə rəhbərlik edib.