Yanğın fəlakəti ilə bağlı mətbuat konfransında danışan Los-Anceles dairəsinin şerifi Robert Luna Los-Ancelesdə yanğından təsirlənən Palisades və Eaton bölgələrində gecə komendant saatı tətbiq ediləcəyini açıqlayıb.
Tvit.az xarici mediaya istinadən xəbər verir ki, Luna komendant saatını pozanların "qüsurlu davranış" üçün mühakimə ediləcəyini və günahkar olduqları təqdirdə 1000 dollar cərimə və ya həbs cəzasına məhkum ediləcəyini söyləyib:

"Siz bu ərazilərdə ola bilməzsiniz. Əgər tapılsanız, tutulacaqsınız". 
Luna qeyd edib ki, bu qərar boşaldılan evləri qorumaq üçün tətbiq edilib.
Təxminən 153 min adam üçün təxliyə əmri verildiyini deyən Luna, 58 minə yaxın binanın təhlükə altında olduğunu bildirib.

 

Aysel Şirinova