Apple bu ilin sentyabr ayında yeni iPhone ailəsi olan iPhone 18-i təqdim edəcək. iPhone 19 modellərini 2027-ci ildə satışa çıxarılacaq. Lakin indi gözlənilməz bir inkişaf baş verib. Hətta iPhone 18 satışa çıxarılmazdan əvvəl belə, yeni nəsil iPhone 19 haqqında məlumatlar üzə çıxmağa başlayıb.

Tvit.az xarici mediaya istinadən xəbər verir ki, Çində yerləşən və telefonlarla bağlı etibarlı sızmalarla tanınan Digital Chat Station mənbəyi, iPhone 19 Pro modelləri haqqında məlumat paylaşıb. Sızıntı telefonun dizaynının necə olacağını ortaya qoyur.

Sızıntılara görə, Apple artıq iPhone 19 Pro və iPhone 19 Pro Max modellərinin prototiplərini sınaqdan keçirməyə başlayıb. Bundan əlavə, bu cihazlarda fərqli bir dizayn görəcəyimiz bildirilir. Buna uyğun olaraq, şirkət iPhone 19 Pro modellərində dörd əyri ekran dizaynı təqdim etməyi planlaşdırır. 

Əyri ekran dizaynları əslində Android telefonlarında olduqca yaygın idi. Lakin Apple əvvəllər heç vaxt belə bir addım atmamışdı. Bu, olduqca maraqlıdır, çünki Android cihazları adətən iPhone-ları təqlid edir. iPhone 19 ilə fərqli bir yanaşma görə və Android cihazlarına bənzəyən iPhone modelləri ilə qarşılaşa bilərik.

Apple-ın 2027-ci ildə təqdim edəcəyi iPhone modelləri şirkətin 20 illik yubileyi üçün nəzərdə tutulan iPhone modelləri olduğundan xüsusi yer tutur. Buna görə də, 20 illik yubileyi qeyd etmək üçün telefonların iPhone 19 əvəzinə iPhone 20 adlandırılması mümkündür.

Aysel Şirinova