Altı aparıcı beynəlxalq güc Hörmüz boğazında təhlükəsiz keçidin təmin olunmasına dəstək verməyə hazır olduqlarını açıqlayıb. Bununla yanaşı, İtaliya və Almaniya hər hansı hərbi iştirakın yalnız mümkün atəşkəsdən sonra gündəmə gələ biləcəyini vurğulayıb.

Tvit.az xarici mediaya istinadən xəbər verir ki, Böyük Britaniya, Fransa, Almaniya, İtaliya, Yaponiya və Niderland yaydıqları birgə bəyanatda qeyd ediblər ki, onlar boğazda təhlükəsizliyin təmin olunmasına yönəlmiş uyğun təşəbbüslərə töhfə verməyə hazırdırlar. Həmçinin, bu sahədə ilkin planlaşdırma aparan ölkələrin öhdəliklərini müsbət qiymətləndirdiklərini bildiriblər.

Eyni zamanda, adıçəkilən ölkələr İranın Körfəzdə silahsız ticarət gəmilərinə qarşı son hücumlarını kəskin şəkildə pisləyiblər.

Bununla belə, İtaliya və Almaniya əlavə ediblər ki, hazırda hərbi müdaxilə planlaşdırılmır və mümkün iştirak yalnız atəşkəs əldə edildikdən sonra çoxmillətli təşəbbüs çərçivəsində nəzərdən keçirilə bilər.

Aysel Şirinova