Belarus prezidenti Aleksandr Lukaşenko ekstremist cinayətlər törətməkdə təqsirləndirilən daha 32 nəfəri əfv edib.

Bu barədə dövlət başçısının mətbuat xidmətində məlumat verilib.

"Bunlar 8 qadın və 24 kişidir. Onların hamısı özlərini günahkar bilib, etdiklərindən tövbə edib və əfv üçün müraciət ediblər", - məlumatda deyilir. Həmçinin qeyd olunur ki, 17 nəfərdə xroniki xəstəliklər, bir nəfərdə əlil, 17 məhkumun övladı, 9 əfv olunanın yaşı 50-dən yuxarıdır.

Daxili İşlər Nazirliyi "onların qanuna tabe davranışlarına nəzarəti təmin edəcək".

Belarus Prezidenti sonuncu dəfə ekstremist xarakterli cinayətlərdə təqsirləndirilən 31 nəfəri bu ilin noyabrın 7-də əfv edib. Həmçinin daha əvvəl bir sıra məhkumlar əfv olunmuşdu. Lukaşenko qeyd edib ki, 2020-ci ildə Belarusda keçirilən etiraz aksiyalarında iştirak etməkdə təqsirləndirilən şəxslərin əfv olunması Qərblə münasibətləri yaxşılaşdırmaq istəyi ilə deyil, humanitar baxımdan nəzərə alınması ilə diktə edilib.