Bu gün İran xarici işlər Nazirliyinin sözçüsü İsmayıl Bəqayi mətbuat konfransında bildirib ki, Səudiyyə Ərəbistanı xarici işlər nazirinin müavini Səud bin Məhəmməd əs-Satinin Tehrana səfəri iki ölkə arasında münasibətlərin normallaşması prosesinin davamıdır.

Tvit.az xəbər verir ki, bu barədə “Azad İran” məlumat yayıb.

Onun sözlərinə görə, Əs-Sati ilə İranın xarici işlər naziri Abbas Əraqçı arasında keçirilən görüşdə ikitərəfli münasibətlər, eləcə də regional məsələlər – Qəzza zolağı, Livan və Suriyadakı vəziyyət müzakirə olunub.

Bəqayi qeyd edib ki, tərəflər Yaxın Şərqdə sabitliyin möhkəmləndirilməsi üçün regional əməkdaşlığın genişləndirilməsinin vacibliyini vurğulayıblar. 

Elmin Alışov