ABŞ administrasiyası Livan Silahlı Qüvvələrinin komandanı general Rudolf Haşemlə Vaşinqtonda keçirilməsi planlaşdırılan görüşləri ləğv edib.
Tvit.az xarici mediaya istinadən xəbər verir ki, bu qərar, Livan ordusunun İsrailin Hizbullaha qarşı həyata keçirdiyi hücumları “Livan suverenliyinin pozulması” kimi qiymətləndirməsindən sonra verilib.
Reuters-ə danışan Livanlı təhlükəsizlik rəsmisinin sözlərinə görə, qərar “ani və gözlənilməz” olub və bunun nəticəsində general Haşem səfərini tamamilə təxirə salıb. O, çərşənbə axşamı Vaşinqtona gedərək hərbi yardım və sərhəd təhlükəsizliyi mövzularını müzakirə etməli idi.