Tvit.Az - Azərbaycan və dünyadan ən son xəbərlər
Home sosial "Alatava" restoranında ciddi nöqsanlar aşkarlandı
sosial

"Alatava" restoranında ciddi nöqsanlar aşkarlandı

18-03-2025 16:00 18 Views
IMG

Bakı şəhəri, Yasamal rayonu, Ş.Mehdiyev, 1054 ünvanında yerləşən, fiziki şəxs Roman Səfər oğlu Əbiyevə məxsus "Alatava" restoranında Azərbaycan Respublikasının Qida Təhlükəsizliyi Agentliyinin (AQTA) əməkdaşları tərəfindən keçirilən yoxlama zamanı ciddi nöqsanlar aşkarlanıb.

 

Tvit.az xəbər verir ki, bu barədə AQTA məlumat yayıb.

 

Baxış zamanı obyektdə yararlılıq müddəti bitmiş "Bekon" əmtəə nişanlı ət məhsullarının istehlaka təqdim olunduğu, həmçinin istehlaka yararsız çörək, müvafiq müşayiətedici sənədləri olmayan süd məhsulları və bildirçin ətləri aşkar edilib.

 

Yoxlama aparılarkən restoranda qida məhsullarının saxlanılması zamanı temperatur rejiminə əməl olunmadığı, ⁠temperaturun monitorinqinin aparılmadığı müəyyən olunub. Eyni zamanda müəssisədə mal qonşuluğu prinsipinin pozulduğu, işçi heyətin tibbi müayinədən keçmədiyi və gigiyenik təlimə cəlb edilmədiyi və digər nöqsanlar aşkarlanıb.

 

Faktla bağlı sahibkar barəsində inzibati protokol tərtib olunub, istehlaka yararsız məhsulların dövriyyədən çıxarılmasına dair məhdudlaşdırıcı qərar qəbul edilib və nöqsanların aradan qaldırılması barədə icrası məcburi göstərişlər verilib.