Almaniyanın ən qədim sənaye şirkətlərindən biri və dünyanın ən böyük batareya və akkumulyator istehsalçılarından biri olan Varta uzun müddət davam edən maliyyə böhranından sonra iflasa uğrayıb.

Tvit.az xarici mediaya istinadən xəbər verir ki, şirkət dörd dəfə iflas üçün müraciət edib.

Şirkəti iflas həddinə çatdıran əsas amil gözlənilən yeni kapital axınının təmin edilməməsi olub. Lüks avtomobil istehsalçısı Porsche və avstriyalı investor Michael Tojner də daxil olmaqla, mövcud səhmdarların şirkətə yeni kapital qoymaq istəməməsi, qalan son xilasetmə ssenarilərini faktiki olaraq ertələdi.

Müflisləşmədən qorunma və ərizə təqdim etmə prosesi rəsmi hala gəldiyindən, 139 yaşlı Alman texnologiya və istehsal nəhənginin aktivlərini parçalayıb satmaq ideyası ön plana çıxdı. Sektordan alınan son məlumata görə, potensial alıcılar artıq şirkətin gəlirli şöbələri üçün növbəyə düzülüblər.

Bazardakı ən güclü şayiələr və məlumatlar Deutsche Bank və bəzi hedcinq fondlarının şirkətin gəlir gətirən ev batareyası qurğusunu əldə etməkdə maraqlı olduğunu göstərir. Digər tərəfdən, mövcud tərəfdaşlardan biri olan Michael Tojnerin eşitmə cihazlarında istifadə olunan düyməli batareyaları da əhatə edən mikrobatareya şöbəsi ilə yaxından maraqlandığı bildirilir.

Şirkəti bu nöqtəyə gətirən ən böyük amillərdən biri , ən vacib qlobal müştərilərindən biri olan Apple şirkətinin verdiyi strateji qərarlar idi. Ötən yaz Apple, gələcəkdə AirPods simsiz qulaqlıqlarında istifadə edilən doldurulan "CoinPower" düyməli batareyaları Çində yerləşən təchizatçılardan əldə etmək planlarını açıqladı . Bu, Varta şirkətinə mənfi təsir göstərdi. Maliyyə strukturu sarsılmış Varta, mövcud səhmdarlarına yardım paketi üçün müraciət etdi, lakin lazımi dəstəyi almadı.

Aysel Şirinova