Yaponiyanın yeni baş naziri Sanae Takaichi-nin ərazi problemini həll etməyə və Rusiya ilə sülh müqaviləsi bağlamağa hazır olması yeni deyil, dialoqun bərpasının ilkin şərti Tokio-nun hazırkı anti-Rusiya kursundan imtina etməsidir. 

Tvit.az xəbər verir ki, bu barədə Rusiya Xarici İşlər Nazirliyinin sözçüsü Mariya Zaxarova brifinqdə bildirib.

Diplomat diqqətə çatdırıb ki, nə o, nə də ekspertlər Yaponiya hökumətinin başçısının parlamentdəki son çıxışında yeni bir şey eşidə bilməyiblər.

"Prinsipcə, Yaponiya hökumətinin Rusiyaya qarşı siyasətində yeni bir şey yoxdur. Biz əvvəllər dəfələrlə bəyan etmişik ki, Yaponiya ilə dialoqun bərpasına gedən yol yalnız Tokio-nun ölkəmizə və onun vətəndaşlarına ziyan vurmağa yönəlmiş anti-Rusiya kursunu fəal şəkildə rədd etməsindən sonra açılacaq", - deyə o, bildirib.

Aysel Şirinova