Avropa İttifaqına üzv 27 ölkənin əksəriyyəti Gürcüstan rəhbərliyinə qarşı sanksiyaların tətbiqinin əleyhinədir.
Bu barədə Avropa Komissiyasının genişlənmə məsələləri üzrə komissarı Marta Kos Polşalı avrodeputat Kşiştof Breyzanın sualını cavablandırarkən bildirib.
Onun sözlərinə görə, Aİ Gürcüstan rəhbərliyinə qarşı sanksiyaların tətbiqinə çalışsa da, üzv dövlətlərin əksəriyyəti bu təşəbbüsü dəstəkləməyib.
Kos qeyd edib ki, Gürcüstanın Aİ-yə üzvlük prosesində geriləmə olsa da, ölkə Avropa İttifaqının regional əlaqələr gündəliyində qalır və Brüssel Tbilisi ilə münasibətləri qorumağa çalışır.
