Fələstin Administrasiyası (PA) İsrailin Qərb Sahili ərazisində 19 yeni yaşayış məntəqəsini təsdiqləməsini kəskin tənqid edib. 

Tvit.az İsrail mediasına istinadən xəbər verir ki, PA bildirib ki, bu addım fələstinlilərin gələcək dövlət üçün iddia etdiyi torpaqlar üzərində İsrailin nəzarətini daha da gücləndirir.

Bazar günü İsrailin ifrat sağçı maliyyə naziri Bezalel Smotriç qərarın təsdiqləndiyini açıqlayıb və bunun Fələstin dövlətinin yaradılmasının qarşısını almağa yönəldiyini deyib.

Ramallah mərkəzli PA-nın Xarici İşlər Nazirliyi bu qərarı “təhlükəli addım” adlandırıb və onu Fələstin torpaqları üzərində müstəmləkə nəzarətini gücləndirən, aparteid, məskunlaşma və ilhaq siyasətlərinin davamı kimi qiymətləndirib.

Aysel Şirinova