Çin, Böyük Britaniya tərəfindən Çin şirkətlərinə qarşı qəbul edilmiş birtərəfli məhdudlaşdırıcı tədbirlərə qarşı çıxır və Londonu bu səhv addımları aradan qaldırmağa çağırır.

Tvit.az xəbər verir ki, bu barədə Böyük Britaniya tərəfindən bir sıra Çin şirkətlərinin antirusiya sanksiyaları siyahısına daxil edilməsi ilə əlaqədar Çin Xalq Respublikasının Ticarət Nazirliyinin saytında dərc olunan bəyanatda bildirilir.

“Çin, Böyük Britaniyanın Rusiya Federasiyası ilə əlaqələr əsasında 11 Çin şirkətinə qarşı birtərəfli tədbirlər qəbul etməsinə qəti şəkildə qarşı çıxır”, – bəyanatda qeyd olunub.

Nazirlik vurğulayıb ki, “Çin hər zaman ikili təyinatlı malların ixracına qanun və normativ aktlara uyğun şəkildə ciddi nəzarət edib, həmçinin Çin və Rusiya şirkətləri arasında normal mübadilə və əməkdaşlığa müdaxilə edilməməlidir.”