Qəzza zolağında baş verənlər ötən əsrin ən qəddar soyqırımını təmsil edir. 

Tvit.az  xəbər verir ki, bunu Türkiyə prezidenti Rəcəb Tayyib Ərdoğan bildirib.

"Ötən əsrin ən qəddar soyqırımı hazırda Qəzzada baş verir. Təkcə uşaqlar deyil, bəşəriyyəti simvolizə edən hər şey cinayətkarların əli ilə məhv edilir. Müqavimətə radikal HƏMAS hərəkatına böhtan atanlara, İsrailin tanınmasını qazanmaq məqsədilə onları terrorçu adlandıranlara baxmayaraq, Türkiyə Qəzzənin qəhrəman xalqından üz döndərməyib", - deyə dövlət başçısı bildirib.

Erdoğan ümid etdiyini bildirib ki, "bir gün bəşəriyyət enklavda, eləcə də Suriyada zorakılığın sonunu görəcək". O vurğulayıb ki, "bu günləri görmək üçün insanlar mütləq yaşayacaqlar".