Göygöldə bıçaqlanma hadisəsi baş verib.

APA-nın yerli bürosunun məlumatına görə hadisə rayonun Mollacəlilli kəndində qeydə alınıb.

Belə ki, orta yaşlı kişi bıçaq xəsarəti ilə xəstəxanaya yerləşdirilib.

Hadisənin hansı səbəbdən baş verdiyi məlum deyil.

Göygöl Rayon Polis Şöbəsinə rayon sakini Asim Niyazovun kəsici-deşici alətlə bədən xəsarəti alaraq xəstəxanaya yerləşdirlməsi barədə məlumat daxil olub.

Bu barədə Daxili İşlər Nazirliyinin (DİN) mətbuat xidmətinin Gəncə regional qrupunun baş inspektoru Eşqin Qasımov bildirib.

Onun sözlərinə görə polis əməkdaşlarının keçirdikləri müvafiq tədbirlər nəticəsində hadisəni törətməkdə şübhəli bilinən Dəmir Nəbiyəv saxlanılıb.

Faktla bağlı araşdırmalar davam etdirilir.