Moskvada Belarus və Rusiya xarici işlər nazirlikləri arasında məsləhətləşmələr keçirilib.
Tvit.az-ın məlumatına görə, bu barədə Belarus Xarici İşlər Nazirliyinin mətbuat xidməti məlumat yayıb.
Bildirilib ki, məsləhətləşmələrdə Belarus nümayəndə heyətinə Xarici İqtisadi Fəaliyyət Departamentinin direktoru Andrey Prokopçuk, Rusiya nümayəndə heyətinə isə MDB ölkələri üzrə Birinci Departamentin direktoru Mikael Aqasandyan rəhbərlik edib.
Görüşdə tərəflər Müstəqil Dövlətlər Birliyi (MDB), Avrasiya İqtisadi Birliyi (AİB) və Kollektiv Təhlükəsizlik Müqaviləsi Təşkilatı (KTMT) çərçivəsində əməkdaşlığın aktual məsələlərini müzakirə ediblər.
Həmçinin inteqrasiya proseslərinin əlaqələndirilməsi və müasir çağırışlara qarşı birgə yanaşmaların hazırlanması istiqamətində fikir mübadiləsi aparılıb.
