Qətər vasitəçilərinin bu həftə ABŞ və İran arasında diplomatik irəliləyiş əldə etmək cəhdləri nəticəsiz qalıb.

Tvit.az “Axios” nəşrinə istinadən xəbər verir ki, tərəflər qarşılıqlı güzəştə getmək istəmədiyindən danışıqlar dalana dirənib. 

Nəşrin mənbələri əhəmiyyətli irəliləyiş əldə olunmamasının ABŞ və İran arasında hərbi qarşıdurmanın yenidən başlamasına səbəb ola biləcəyindən narahatlıq ifadə ediblər.

Məlumata görə, Qətər rəsmiləri diplomatik razılaşma əldə etmək üçün səylərini davam etdirəcəklər. Bununla belə, onların həm ABŞ-ın, həm də İranın mövqeyindən məyus olduğu bildirilir.

Elmin Alışov