"Polo" qasırğası Meksika sahillərinə çatıb.

"Tvit.az" xəbər verir ki, təbii fəlakət bazar ertəsi ilə çərşənbə axşamı arasında sahil xəttinə daxil olub.

Agentliyin məlumatına əsasən, qasırğa hazırda Baha-Kalıforniya Sur ştatındakı San-Lasaro burnu yaxınlığında irəliləyir. Ərazidə küləyin sürəti 55 m/s-yə çatır. Qasırğa şimal-şərq istiqamətində 5 m/s sürətlə hərəkətini davam etdirir.

Meksikanın Mülki Müdafiə Xidməti əhaliyə xəbərdarlıq edərək küləyin sovura biləcəyi tentləri, mebelləri və avadanlıqları açıq sahələrdən yığışdırmağı, həmçinin daşqınların qarşısını almaq üçün dam və novları təmizləməyi tövsiyə edib.