Füzuli rayonunda açıq ərazidə güclü yanğın qeydə alınıb.

"Tvit.az" xəbər verir ki, hadisə rayonun Mollaməhərrəmli kəndi ərazisində, Araz çayı boyunca yerləşən açıq sahədə baş verib. Yanğın nəticəsində alov geniş əraziyə yayılıb.

Hazırda Fövqəladə Hallar Nazirliyinin müvafiq qüvvələri tərəfindən yanğının lokallaşdırılması və söndürülməsi istiqamətində tədbirlər görülür.

Yanğının başvermə səbəbi və əhatə etdiyi ərazinin dəqiq həcmi araşdırılır.