Azərbaycan və ABŞ arasında Xəzər regionunda yeni əməkdaşlıq imkanları üzrə müzakirələr aparılıb.

Tvit.az xəbər verir ki, bunu energetika naziri Pərviz Şahbazov "X" sosial şəbəkəsindəki hesabında bildirib.

Məlumata görə, bu barədə müzakirələr ABŞ Dövlət katibinin iqtisadiyyat, enerji və biznes məsələləri üzrə köməkçisi Kaleb Orrun rəhbərlik etdiyi nümayəndə heyəti ilə görüşdə aparılıb.

Nazir bildirib ki, iki ölkə arasında yeni mərhələyə yüksələn Azərbaycan və ABŞ arasında strateji enerji tərəfdaşlığının prioritet istiqamətləri nəzərdən keçirilib: "Görüşdə regional enerji təhlükəsizliyi, neft-qaz sektorunun, enerji bağlantılarıın inkişafı və Xəzər regionunda yeni əməkdaşlıq imkanları üzrə müzakirələr aparılıb".