Marsdan gəldiyi deyilən Yerə düşən ən böyük meteorit ABŞ-ın Nyu-York şəhərində keçirilən hərracda 5,3 milyon dollara satılıb.

Tvit.az bu barədə xarici KİV-ə istinadən xəbər verir.

Sotheby's Hərrac Evinin keçirdiyi hərracda 25 kiloqramlıq NWA 16788 meteoritinə son təklif 4,3 milyon dollar, komissiyalar və əlavə ödənişlər daxil olmaqla satış qiyməti isə 5,3 milyon dollara çatıb.

2023-cü ildə Nigerin Sahara səhrası bölgəsində bir meteorit ovçusu tərəfindən kəşf edilən qaya nəhəng asteroidin təsiri nəticəsində Marsın səthindən qoparaq Yerə çatmaq üçün təxminən 225 milyon kilometr yol qət edib.

Elmin Alışov